Учеството на електричните возила во сообраќајот станува се поголема реалност, а нивниот број постојано се зголемува. Сите производители сакаат во својата понуда да имаат повеќе вакви возила со што би можеле да им понудат на купувачите поголем избор, да покажат дека технолошки се пред конкуренцијата и истовремено да докажат дека работат на заштеда на енергијата и намалување на загадување на околината.

Покрај тоа што најголема болка засега се помалиот капацитет на батерии што оневозможува користење на возилото на подолги релации, проблем е што секој производител при конструирањето на возилото прави и вградува сопствен полнач, што ќе се приклучува на електричната мрежа. Тоа го прави дополнително проблематично полнењето на батериите, на електричната мрежа, па затоа осум големи авто производители од САД и Германија, се согласија на создавање заеднички супер полнач, што истовремено ќе се користи на сите нивни идни електрични возила.

Во ваквата програма учествуваат „Ауди“, „БМВ“, „Крајслер“, „Даимлер“, „Форд“, ЏМ“, „Порше“ и „Фолксваген“ кои новиот демо супер полнач првпат ќе го прикажат на симпозиумот на електрични возила што од 6 до 9 мај се одржува во Лос Анџелес, Калифорнија.

Според новата технологија, полнењето на батериите ќе биде за 15-20 минути и истата ќе се користи кај речиси сите електрични возила. Според Здружението на меѓународните инженери, единствениот „супер брз“ полнач ќе биде стандарден кај брзото полнење, додека Европската асоцијација на производители (АЦЕА) одобри усогласување за сите типови на возила.

Новата технологија ќе биде комерцијализирана на крајот на 2012 година, а првите примероци со новиот систем на пазарот ќе се појават на почетокот на 2013 година.

Спогодбата ќе стапи на сила од 2014 година. Меморандумот за разбирање е потпишан во Париз, откако пред четири години „Рено“ веќе купи 25 отсто до „Автоваз“. Тоа е заедничко вложување на „Рено-Нисан“ и руското државно претпријатие „Рашн технолоџис“. Сопственици на 67,13 отсто на заедничкото вложување ќе биде „Рено-Нисан“, во чија сопственост ќе биде и 74,5 отсто од акциите на „Автоваз“. Во следните две години „Рено“ ќе вложи во заедничката компанија 300 милиони долари, а „Нисан“ околу 450 милиони долари.

Трите компании планираат во Толјати да произведуваат 1,6 милиони автомобили годишно, што знаци дека тамошниот погон за монтажа ќе биде најголем во светот.

Рускиот автомобилски пазар оствари раст од 19 отсто, а уделот на кинеските возила порасна од 1,6 отсто на 2,6 отсто. Најпопуларна марка кај Русите е „Лифан“ со продадени 4.545 возила, а на второ место е „Чери“ со 3.402 продадени возила. Потоа следуваат „Гили“ и „Грејт вол“.

„Автостат“ ја образложува популарноста на кинеските возила со брзото зголемување на квалитетот, како и релативно богатат опрема и ниските цени. Според прогнозите до 2014-2015 година автомобилите од кинеско производство ќе го зголемат својот удел на рускиот пазар на 10-12 отсто.

Сепак Русите уште им веруваат на другите брендови. На изборот „Автомобил на годината во Русија за 2012“ одржан кон крајот на март меѓу победниците немаше ниту еден кинески модел. За најдобро градско возило е прогласено „шевролет спарк“, а во „малата класа“ победник е „хјундаи соларис“. Победници по дригите класи беа: „форд фокус“ – средна класа, „хонда акорд“ – средн акласа, и „бмв серија 5 “ – бизнис класа.

Вкусовите на родителите и децата, значително се разликуваат во однос на тоа која марка на возило повеќе го сакаат, па децата најмногу сакаат „Џип“ како нов автомобил – 18 отсто. Со 17 отсто следуваат „Шевролет“ и „Форд“, а „Тојота“ и “Хонда“ добиле по 16 отсто од гласовите. Родителите пак имаат сосема поинакво мислење па на врвот на нивните желби се „Тојота“ (29 отсто), „Хонда“ (24),„ Форд“ (21), „Шевролет“ (19 отсто) и „Џип“ (9 отсто).

И покрај ваквите разлики родителите се почесто го слушаат гласот на децата при одбирање на автомобил, а има неколку причини за тоа. Најважно е да се биде добар родител, и самиот факт што децата се подобро информирани. Тука е и стилот, па родителите имаат во предвид дека децата знаат подобро што изгледа добро. Родителите исто така имаат интерес да ги задоволат желбите на своите деца. Ако во тоа не успеат, кај нив се раѓа чувство на грижа.

Тоа само значи дека во иднина производителите на возила во своите реклами се почесто ќе ги вклучуваат и децата.

Снимките како доказ
Овие камери последниве неколку месеци биле тестирани и поврзани во еден единствен мониторинг-систем. Првата фаза од проектот беше спроведена во 2009 година, кога камерите беа набавени. Потоа требаше да се набави софтвер со кој тие не само што ќе се стават во функција туку и ќе се поврзат во единствен систем. Проектот беше одложен, а од МВР тврдеа дека процесот е во застој поради економската криза.
Електронското набљудување ќе се врши во оперативниот центар на МВР. Се очекува таму да се собираат сите податоци, на пример, во случај на сообраќајка ќе се обезбедат видеозапис и фотографија.
Од полицијата велат дека на снимката ќе се види кој е виновникот, а надлежните во оперативниот центар ќе може навреме да ја алармираат и итната медицинска помош.
- Со камерите ќе можеме да реагираме и за брзо решавање на сообраќајниот хаос што се случува во определени периоди од денот и ќе регистрираме неправилности во сообраќајот – велат во МВР и додаваат дека снимките ќе послужат и како доказен материјал за прекршоци или кривични дела што не се поврзани со сообраќајот.
Kамерите ќе се користат и за анализа на густината на сообраќајот во одредени денови и во одредени периоди од денот. Потоа преку анализата ќе може да се усогласи протокот на моторни возила, ќе се штелуваат семафорите за да се усогласат во таканаречен зелен бран.
Експертите предупредуваат дека камерите ќе помогнат да се скрати за четвртина времето потребно за патување од едно до друго место во главниот град со што би се намалила и потрошувачката на гориво кај моторните возила.
Според Законот за безбедноста во сообраќајот на патиштата, полицијата е овластена да снима на јавни места на кои се одвива сообраќај и на кои може да се извршуваат прекршоци во сообраќајот. Снимањето може да се врши и со посебни возила на МВР опремени со посебни уреди. Снимените материјали се чуваат во полиција шест месеци, по што се уништуваат, освен материјалот што претставува доказ во кривична или прекршочна постапка.
Извор: www.dnevnik.com.mk

Но, сепак не е се така розово за германските брендови. Се разбира дека АДАЦ ќе ги фаворизира домашните компании, но не намерно. И компаниите знаат како да го изиграат системот.

Статистиката на АДАК има големо влијание на продажбата не само на германскиот туку и на европскиот и светски пазар. Затоа е направен итар потег, што на германските производители им обезбедува висока позиција. Сите германски компании имаа добро организирани мобилни служби кои додека е возилото под гаранција, веднаш реагираат и ги решаваат главните проблеми, а тие не се евидентираат во статистиките на АДАК. Така инженерите на АДАК доаѓаа на терен кога ситуацијата е веќе расчистена, за затоа нивната статистика не целосно веродостојна.

Во ланската акција на АДАК биле опфатени 230.000 дефекти на возила. Уверливо најмногу проблеми имало со електриката, како што се акумулаторите, анласер, светлата и алтернаторот – дури 41,2 отсто. На второ место се проблемите со управување на работата на моторот – 18,4 отсто, а во тоа се вклучени проблемите со вшприцувањето, палењето и сензорите. На трето место се механичките проблеми со моторот, со 7,4 отсто, па следува напојувањето со гориво – 5,3 отсто, климатизација (греење и ладење) – 4,5 отсто.

Во рубриката „друго“ – каде спаѓа секој петти дефект (21,6 отсто) се гумите, управувачкиот механизам, сопирачките, преносот на силат итн.

Во подрачјето на контролираната зона за паркирање ќе се воведат три тарифни зони во кои паркирањето ќе биде организирано во уличен и вонуличен систем на паркирање.

Уличното паркирање ќе биде организирано на места за паркирање на градските улици, додека пак вонуличното паркирање на места наменети за паркирање, а кои се надвор од градските улици. Контролираната зона за паркирање на корисниците ќе им овозможи плаќање на паркирање според ограничувањето на времетраењето на паркирање преку примена на повеќе тарифни категории.

Додека европските влади се обидуваат да постават што е можно повеќе камери за да ги регистрираат сите пречекорувања на брзините, но истовремено да делуваат и превентивно и да се зголеми безбедноста во сообраќајот, на пазарот има се повеќе различни уреди, како што се детектор за радар, за откривање или сметање на овие камери.

Најновиот производ на TomTom е достапен во 14 европски земји. Апликацијата го известува возачот за локацијата и оддалеченоста на возилото од камерата што се приближува, како и за ограничување на брзината на тој дел од патот.

Во TomTom веруваат дека нивниот производ ќе придонесе за зголемување на општата безбедност во сообраќајот во земјите каде оваа апликација може да се набави. Во компанијата сметаат дека возачот е повеќе фокусиран на самото возење и патот пред себе, кога немора да размислува за тоа каде се наоѓаат радарите.

Новата TomTom апликација е достапна во В.Британија, Ирска, Австрија, Германија, Белгија, Холандија, луксембург, Шпанија, португалија, Италија, полска, Норвешка, Шведска и Финска.

Моделот е со Special British Racing Green боја, направен во 1994 година, и досега има минато 54.640 км. а под хаубата има 6,3 литарски мотор со 456 КС.

Проценката е дека на аукција моделот ќе постигне цена меѓу 61.000 и 86.000 евра.

Продажбата е намалена за 21,7 отсто во однос на истиот период лани, на само 56.250 возила, се вели во извештајот на националната асоцијација на производителите. Според Асоцијацијата, пазарот не покажува знаци на опоравување, а вкупната продажба на автомобили во 2011 година беше намалена за 17,7 отсто на 808.056 возила, што е на најниско ниво од 1993 година.

Шпанија нема големи домашни производители, но на нејзина територија има 18 фабрики во сопственост на десет странски авто компании, што ја прави втор најголем производител во Европа, после Франција.

Минатата недела според официјалните податоци повторно е во рецесија, само две години откако се опорави од последната криза, што ја предизвика глобалната финансиска криза.

Тоа можеби и не е некоја голема новина, зашто повеќе фабрики веќе работат на развој на слични решенија, но никој нема храброст да понуди „исфрлање на возачот“. Но Кинезите и тоа до направија!

Од BYD објаснуваат дека системот што се нуди е како решение за паркирање во услови на мал простор, кога возачот ќе најде место за возилото, но проблем е што неможе да излезе и влезе внатре во возилото. Далечинското управување на BYD овозможува стартување на моторот, неговото поместување напред или наназад, вртење лево и десно, и сето тоа со ограничена брзина.

Кинезите тврдат дека решението е идеално, но ќе треба да се види како ќе работи тоа далечинско со вистински автомобил и во релано време.

Се работи за моделот Енцо 399, произведен во ограничена серија, чиј сопственик,. Британец го возел во Дубаи, но направил многу прекршоци па полицијата му го запланила и сега го продава на аукција.

Не се знае која цена ќе постигне на аукцијата, но нов модел чини околу 1,2 милиони евра, па веројатно е дека и на аукцијата ќе има шестцифрена бројка. За да се учествува на аукцијата треба да се уплатат 10.370 евра без разлика дали ќе се „борите“ за добивање на ферарито.

Моделот има 6 литарски алуминиумски В12 мотор со 660 КС и максимална брзина од 350 км/ч

Раиконен трката ја почна од 11 место и стигна до втората позиција зад победникот Фетел, додека Грожан беше третопласиран. Двојниот подиум доаѓа по тешкиот почеток на сезоната за тимот кој немаше време да ги искаже потенцијалите на болидот, што ги имаше на тестирањата. Сега фокусот на тимот е задржување на формата и резултатиот постигнати во Бахреин и покажување дека тоа не бил само „добар ден“.

- Фрустрирачки е кога гледаш дека целиот тим стои зад тебе и дава максимум во текот на зимата, особено по ланската лоша сезона, и сега ги немаш резултатите што би требало да бидат. Но се додека не ги добиеш резултатите останува само вербата зашто колку и да вложуваш, само ако имаш резултати тогаш си задоволен. За наша среќа ние ги добивме резултатите и тоа е вистински кредит за сите што се вклучени – вели Булие.

Според него тимом не згрешил кога ги анагажирал Раиконен и Грожан за возачи и двајцата враќаат за искажаната доверба.

- Фелипе мора да прифати дека се соочува со силен клупски колега. Ако не, тогаш тоа ќе го повреди. Треба да учиш од Фернандо, не да го предизвикуваш – вели Доминикали.

Покрај потврдата на доминантната позиција на Алонсо во тимот, Доменикали потврди дека Ферари има морална обврска кон шампионот“ највисоко рангираниот шпански возач. И тоа ќе влијае на изборот на негов партнер за 2013 година

Можеме слободно да речеме дека сите модели со оваа ознака се многу ценети кај поклониците на спортските автомобили, и тоа не само во оваа далекуисточна земја, туку и во другите делови на Земјината топка. Една од основните причини за тоа, а ги има повеќе, е и долгата низа на победи на тркачките патеки постигнати ширум светот, како и перформансите надвор од тркачките натпреварувања, односно врвните возни својства.

Од низата на спортски автомобили со оваа ознака, во Европа, својата исклучителна вредност ја потврди и верзијата што ги носи фабричките ознаки „R35“, односно „GT-R“, како што гласи кратенката под која овој модел се продава на светскиот пазар. Едноставно, љубителите на спортските автомобили беа во еден налет освоени од можностите, перформансите и управливоста на овој одлично избалансиран автомобил.

И Европа потклекна пред налетот

Годзила за конкуренцијата

Инаку, меѓу вљубениците на „Nissan“, особено на јапонските острови, овој модел е познат и под името на јапонското филмско чудовиште Годзила. Да, токму така, овој спортист е вистински монструм на патеката, модел што просто ја „гази“ конкуренцијата.

Станува збор за автомобил со мотор поставен напред и со погон на сите четири тркала.

Неговите избалансирани димензии: должина од  4.655 милиметри, широчина од 1.895 милиметри и височина од 1.370 милиметри,  ја дефинираат елегантната и воедно атлетска „става“ на моќниот „спринтер“.

Масата од 1.740 килограми, и покрај бројната електроника, покажува дека конструкторите и инженерите на „Nissan“ го ставиле на навистина ригорозна „диета“, што мора да се призне, дава исклучителни резултати.

Експлозивна машина

Сепак, една од поинтересните работи кај овој „убавец“ на тркала е сместена под хаубата. Станува збор за моторот со шест цилиндри поставени во форма на латинската буква „V6“, со работна зафатнина од 3.800 кубни сантиметри, што со помош на два турбокомпресора испорачува моќно „ергеле“ од  530 разиграни расни „коњи“, како и голем вртежен момент од 612 Nm ослободени меѓу 3.200 и 6.000 вртежи во минута.

Полуавтоматскиот шестстепен менувач со двојна спојка има екстремно кусо време на префрлање од еден во друг степен на силата, што резултира со исклучителни перформанси на автомобилот.

Супериорни перформанси

Колку само за илустрација ќе ја наведеме максималната брзина од 312 км/ч, како и забрзувањето од „место“ до 100 км/ч за само 3,5 секунди.

До сто милји на час забрзува за 8,5 секунди, а за драгстер-трките, важен податок,    400 метри, со старт од мирување минува за 11,2 секунди.

Сите овие параметри недвосмислено покажуваат дека „Nissan GT-R“ е навистина еден од најефикасните спортски автомобили во к.ласата на „спортисти“ што располагаат со моќ до 600 КС.

Врвна управливост

Управливоста на овој уличен болид е доведена скоро до совршеност, така што и возачи со помало искуство, кога ќе седнат зад управувачот можат да си дозволат да ги тестираат крајните граници на автомобилот. Но, не ги советуваме ова да го прават на автопат или низ градските сообраќајници, сепак, за тоа најсоодветна и најбезбедна е затворена патека. 

И кај професионалците “на цена“

И професионалните натпреварувачи се согласуваат дека „GT-R“ e можеби еден од најбрзите автомобили на светот, се разбира, во својата категорија каде спаѓаат и „Porsche 911 GT2“, потоа  „Audi R8 V10“,  односно „Chevrolet Corvette ZR-1“, или, пак , „Lamborghini Gallardo LP 560-4“.

Во секој случај, со перформансите е на нивно рамниште, а со цената е многу поповолен и подостапен избор.

Имено, неговата цена на европскиот автомобилски пазар се движи меѓу 85.000 и 90.000 евра, во зависност од опремата вградена во него.

Во секој случај, не може а де не признаеме дека „Nissan GT-R“, кога е во прашање цената како и тоа што за неа добивате, во моментов е најповолната понуда на пазарот на суперспортски автомобили.

Ново лице со препознатливи црти
Она по што досега сте го познавале Yaris, во новата инкарнација е темелно преработено. Ако се погледне екстериерот на автомобилот, ќе се забележи дека облите линии по кои беа препознатливи претходниците, се заменети со поостри кои даваат помладешки лик и доза на динамичност на автомобилот. Остро дизајнираниот преден дел и големите светлосни групи што длабоко влегуваат во крилата на автомобилот, само ја надополнуваат дизајнерската насока и наклонетоста кон помладата публика. Гледано отстрана, зголемувањето на габаритите е речиси незабележливо, добрата визуелна игра не го следи трендот на европските производители кои се повеќе ги доближуваат градските модели до претставниците на компактната класа. Во компанијата особено истакнуваат дека се горди што моделот, и покрај зголемувањето на габаритите од 100 мм остана еден од најкомпактните автомобили во сегментот, и иако зголемен, новиот Yaris постигнува успех и на полето кое е круцијално во денешно време, неговата тежина во просек е намалена за 20 кг во однос на претходната генерација.

Комплетна трансформација
Следејќи ги трендовите во уредувањето на кабината, Јапонците го испраќаат во заборав препознатливиот централно поставен дигитален приказ на инструмент-таблата (Optitron), и го заменуваат со традиционален аналоген брзиномер поставен пред возачот. Оттука започнува комплетната трансформација на ентериерот. Новиот стил во секој случај е поконзервативен, но практичноста останува на високо ниво. Возачкото седиште е високо поставено и кога е во најниска позиција, што добро ќе им дојде на возачите од понежниот пол и на сите кои го користат во град, поради подобрата видливост. Големиот број прегради и држачи за пијалаци повеќе не се присутни во новата средина. Да не разберете погрешно, место за оставање има, но не во толкав број како претходно. Изненадување не очекува и со отворање на задните врати. Препознатливите задни седишта кои можеа да се поместуваат по должина, повеќе не се дел од опремата, задната клупа е заменета со фиксна. На тоа не треба да се гледа во негативна смисла, бидејќи повеќе нема потреба да се зголемува волуменот на багажниот простор како порано. Товарниот дел сега е со габарити кои се во рамки на класата и изнесува 286 литри. Севкупно гледано, оние кои претходно поседувале Yaris внатрешноста може да ги изненади со „посериозниот“ пристап, додека оние што за првпат ќе се сретнат со него, веројатно ќе забележат дека квалитетот на материјалите може и требало да биде на повисоко ниво.

Проверена моторизација
Со цел што подобро да го запознаеме новиот Yaris, решивме тоа да го направиме преку неколкудневно интензивно дружење. Моделот кој ни беше даден на располагање го поседуваше проверениот и на нашиот пазар најзастапениот агрегат со зафатнина од 1 литар. Да, тоа е истиот агрегат кој го носеше минатата генерација, кој исто така може да го сретнеме во моделот Aygo а се вградува и во IQ. За тоа колку е моторот добар, сведочи и неговото имплементирање во уште неколку модели на Daihatsu, а никако не смее да се изостави и неговото присуство во градските близнаци на Peugeot и Citroen. Јапонските инженери постојано трагаат по совршенство, затоа овој трицилиндричен агрегат претрпе минимални преправки, со цел да добие на ефикасност и еластичност и да ја намали емисијата на штетни издувни гасови на 110 г/км. Кубатурата на трите цилиндри е во можност да произведе 69 КС кои се расположливи на максимални 6.000 врт./мин., воедно поседува вртежен момент од 93 Нм што својот максимум го постигнува на 3.600 врт./мин. За трансмисијата е задолжен мануелен менувач со пет степени на пренос, кој е доста брз и прецизен во работата. Во секојдневна употреба придобивките се повеќе од забележливи. Иако му недостасува еден цилиндар, тоа во пракса не може да се забележи, избалансираното работење и урамнотеженоста на агрегатот ги анулираат сите предрасуди. Во град е на свој терен, каде што неговите доблести се истакнуваат најмногу, малата потрошувачка во нерамномерниот ритам на секојдневниот урбан циклус на возење резултира со потрошувачка од нешто над 7 литри на 100 километри. Ситуацијата се менува кога со него ќе излезете на отворен пат. Yaris, опремен со овој агрегат не е тркач, и затоа од него не треба да се очекуваат чуда. Доколку сте тргнати на подолга дистанца, добро е да знаете дека доколку сакате чести излети во левата лента, истите треба претходно добро да се испланираат, затоа, пак, доколку стилот на возење ви е полежерен, може да сметате на потрошувачката под 6 литри на 100 километри на возење, сепак, патувањето треба да претставува ритуал на уживање а не спринт-трка.

Новиот Yaris не е еволуција на претходната генерација, но не претставува и револуција, по се изгледа дека е некаде на половина пат. Претпоставуваме дека Јапонците добро предвиделе пред лансирањето на моделот, затоа што во конкретниов случај, добро одмерениот пакет, допадливиот дизајн и напредната технологија, можат да направат многу во класата каде што бројот на конкурентни модели секојдневно се зголемува.

Пакет на опременост на тестираниот примерок Genius

- ABS (антиблокирачки систем за кочење)
- EBD (електронска распределба на силата на кочење)
- BAS (систем за помош при нагло кочење)
- EPS (електричен сервоуправувач) чувствителен на брзина
- Предно воздушно перниче, возач и совозач
- Странично воздушно перниче, возач и совозач
- Систем за заштита од кражба, имобилизатор
- Централна бравa со далечинска контрола
- Централно заклучување на вратите кај возачот
- 14-инчни челични тркала со 175/70 R14 гуми и резервно тркало за привремена употреба
- Електронски регулирани ретровизори
- “Follow me home” светла
- Аудиосистем, CD/MP3/WMA-плеер со 6 звучници AUX In & USB
- Контроли на воланот за аудиосистемот
- Патен компјутер (моментална и просечна потрошувачка, просечна брзина и досег)
- Клима-уред со мануелна регулација

Цена на основен модел : 10.990 евра
Цена на тестираниот примерок: 11.590 евра

Технички карактеристики :
мотор: бензински
цилиндри / вентили: 3 цилиндри / 12 вентили
работна зафатнина: 998 см3
максимална силина: 69 КС при 6.000 врт./мин.
максимален вртежен момент: 93 Нм при 3.600 врт./мин.
погон: на предните тркала
трансмисија: 5-тепен мануелен менувач
потпирање напред: McPherson
потпирање назад: торзиона оска
сопирачки напред: самовентилирачки дискови
сопирачки назад: барабан
должина х ширина х висина: 3.885 х 1.695 х 1.510 мм
меѓуоскино растојание: 2.510 мм
тежина: 1.025 кг
багажник: 286 литри
резервоар: 42 литри
максимална брзина: 155 км/ч
забрзување 0-100 км/ч: 15,3 секунди.
декларирана просечна потрошувачка: 4,8. л/100 км
емисија на CO2: 110 г/км

Се работи за наследник на моделот „ноте“, што сега би требало да биде поголем од својот претходник, и треба да означи враќање на „Нисан“ во сегментот каде немаше свој претставник уште од 2006 година кога беше укинато производството на моделот „алмера“. Засега не се познати техничките детали и моторизација.

Од „Нисан“ велат дека во фабриката во Англија ќе вложат околу 150 милиони евра и се очекува годишно производство од околу 80.000 возила. Новиот хечбек ќе донесе и отворање на најмалку 200 работни места во фабриката и уште околу 900 во придружната индустрија.

Италијанскиот производител на мотоцикли има седиште во Болоња и фабрика во тајланд. Лани „Дукати“ продал околу 42.000 мотоцикли и имам заработка од околу 480 милиони евра, и вработувал 1100 луѓе.

За многумина е помалку чудна одлуката на „Ауди“ да го купи „Дукати“ кој важи за светски премиум бренд кај производителите на мотоцикли. „Дукати“ се натпреварува и во МотоГП првенството и за нив вози Валентино Роси.

Сите Renault ZOE модели кои се опремени со 15 и 16-инчнi гуми ќе бидат опремени со новите MICHELIN ENERGY гуми ™ EV. Овие иновативни производи се наменети за подобрување на опсег на возилото во сите услови на возење. Во близина на урбаните употреба, на пример, Мишелин ENERGY ™ EV гуми го зголеми опсегот на движење на ZOE до 6%, во зависност од видот на употреба.

Целта на Michelin е да  дизајнира гуми кои помагаат да се намали потрошувачката на енергија додека одржување на истите со високи перформанси во областа на сигурноста.