Годинава експонатите се разликуваат од минатата година, кога беа изложени легендарниот Voiturette A von од 1906 и тркачкиот автомобил од 1958 година Skoda 1100 OHC. На тој начин, посетителите се запознаваат со повеќе атрактивни модели од скапоцена колекција на Škoda.

Оние што само еднаш годишно одат на скијање, треба да размислат дали да инвестираат во својата опрема, затоа што премалку ќе ја користат. Но, се поставува прашањето со носачите за скии, што е потребно да го имате доколку скиите неможете да ги спакувате во внатрешноста.
Постојат неколку начини за превозот на скии, а најдобар е да се имаат кровни носачи. Една од главните предности е фактот дека скиите се осигурани, а во автомобилот има доволно место за другите работи и останува стандардниот комфорт за седење.
Освен што со вградувањето на ваквите кровни носачи се зголемува потрошувачката на гориво, најголемата маана им е цената, која не е занемарувачка, а тука е и фактот дека и тие (носачите) влијаат на аеродинамиката, и со нив, во зависност од моделот не може да се вози колку што е пропишаната максимална брзина на автомобилот.
И тука постојат исклучоци. Кровните носачи се атестирани за возење со брзина од 130 до 280 км/ч. во зависност од моделот. Покрај кровни носачи, постои и опција косачите да се прицврстат на каросеријата со помош на магнет, кој исто така зафаќа место во внатрешноста на автомобилот. Голем минус им е што со нивното прицврстување и со симнувањето може да се оштети лимот на каросеријата доколку сопственикот не внимава.
Кај дел од возилата во задниот дел постои посебен отвор, каде треба да се стават скиите, а сега тој е се поголем. Оние постарите, сепак ќе мораат да спуштат некое од седиштата. Било како, најважно е сигурно да се стигне до одредиштето, и потоа да се ужива.

Овој модел изминатите месеци беше познат под работното име со ознака LO (Ellezero), а се работи за автомобил со должина од 414 см, ширина 178 см и висина од 166 см. Сериското производство би требало да почне кон крајот на мај, a продажбата се најавува за септември.
Fiat 500L треба да биде конкурент на моделите како што се Citroen C3 Picasso, Opel Meriva, Kia Venga, Hyundai ix20 и Ford B-Max.
Моделот Fiat 500L ќе се произведува во верзии со 5 и 7 седишта, со тоа што оваа верзија за повеќе патници ќе биде долга 425 см, и доаѓа за неколку месеци, и тоа веројатно под името Fiat 500XL.
Во понудата на мотори ќе биде 0,9 L двоцилиндричен TwinAir турбо бензински агрегат со 85 КС и четирицилиндричен 1,4L бензинец со 77 КС и 105 КС, како и 1,3 Multijet дизелски мотор со 75 КС и со 95 КС.

Тимот на McLaren останува и во 2012 година со истиот возачки кадар, Луис Хамилтон и Џенсон Батон, а сега Британците се надеваат на поголем конкурентност.
Болид однадвор не делува дека е нов, освен некои помали дизајнерски зафати. Но во внатрешноста е целосно преработена механиката, сите клучни системи и компоненти се детално доработени или целосно нови. Најзначајна измена е дизајнот на каросеријата каде има потесен заден дел со цел за подобар проток на воздухот кон тој дел на болидот.

Како дел од извештајот за користени автомобили, кој претходно беше наречен Извештај за грешки, „ДЕКРА“ преку тестирање го испитува квалитетот и безбедноста на возилата. Се испитуваат вкупно 15 милиони автомобили и истите се поделени во осум различни категории.
„ДЕКРА“ определува профил на грешки во три класи според поминатите километри на возилата. Моделот со најдобар просек во сите три километарски класи се прогласува за „Најдобар од сите класи”.

Новата генерација на буба доаѓа со голема палета агрегати, од 1,2-литарскиот TSI, па до 2,0-литарскиот турбо мотор, познат од Golf GTI со 200 КС. Дизелската понуда ја сочинуваат 1,6-литарскиот common-rail со 105 коњски сили, а во иднина можна е и 2,0-литарската изведба придвижувана од дизел гориво.
Првата генерација на новата буба, произведувана од 1998 до 2011 година е продадена во 1.155.990 примероци, од кои 228.300 кабриолети.

Листа на најпродавани брендови
1. Ford 2,062,915 (+17.5%)
2. Chevrolet 1,775,812 (+13.4%)
3. Toyota 1,446,109 (-5.8%)
4. Honda 1,023,986 (-6.7%)
5. Nissan 944,073 (+17.3%)
6. Hyundai 645,691 (+20.0%)
7. Kia 485,492 (+36.3%)
8. Dodge 451,040 (+17.6)
9. Jeep 419,349 (+44.0%)
10. Volkswagen 324,402 (+26.3%)

Јубилејот е уште еден доказ за одржливиот раст на производителот на автомобили. До 2018 година, Skoda сака да ја зголеми својата продажба во светот за најмалку 1,5 милиони возила годишно. Со вкупно 879.200 автомобили во 2011 година, компанијата продаде повеќе автомобили од било која друга година во својата 117 годишна историја.
“Овој јубилеј е одраз на нашата стратегија за развој”, изјави претседателот на управниот одбор на Skoda, д-р Винфрид Вахланд. “Ние се шириме со голема брзина. Скоро две третини од 14 милиони автомобили беа произведени и продадени во изминатите 20 години, а четири милиони од нив се произведени во последните 5 години. “Сегашната пресвртница го прикажува динамичниот развој на брендот и во исто време укажува на големо значење од здружувањето со групацијата Volkswagen во 1991 година.
До 2018 година, годишните продажби на Skoda ќе се зголемат за најмалку 1,5 милиони единици. За да се оствари оваа цел, Skoda минатата година ја започна најголемата офанзива на модели во својата историја. Со малиот автомобил Citigo и компактниот седан Rapid кој се продава во Индија, шестата и седмата серија на моделите веќе ја започнаа продажбата на крајот од 2011 година. Во наредните години, ŠKODA сака на пазарот да воведува по еден нов модел на секои шест месеци.

Значајни дати за производството на автомобили на Skoda:
- 30 јануари 2012 година: 14 милиони автомобили од 1905
- Декември 2011: 1,5 милиони возила од втората генерација Octavia
- 12 октомври 2011: 10 милиони автомобили беа произведени во фабриката во Млада Болеслав
- 2 септември 2011: 4 милиони. MQ200 менувачи беа произведени во фабриката во Млада Болеслав
- 8 април, 2009: 12 милиони автомобили од 1905
- 13 јули 2006 година: 10 милиони автомобили од 1905 (од кои 5 милиони, се произведени по влезот на Volkwagen во 1991 година)
- 1991: 5 милиони автомобили од 1905

Какви се вашите очекувања за „Ми-Да Гранд Моторс“?
- Сега кога „Форд Моторс“ е директно застапуван од страна на „Ми-Да Гранд Моторс“, отпочнуваме со нова програма и долгорочен план со цел да се достигне лидерството на македонскиот пазар во наредните пет години. Планот ќе го остваруваме чекор по чекор. Во моментов се наоѓаме на 3-то или 4-то место во Македонија, но нашата цел е да станеме лидер во овој сегмент на автомобили, во предвидениот временски период.

Дали и кога планирате да ја проширите понудата и со други автомобилски брендови како „Мазда“, „Волво“, „Ленд Ровер“, „Јагуар“ и „Инфинити“ за кои сте овластени импортери на Балканскиот простор?
- Засега остануваме фокусирани само на „Форд“, со желба да го поставиме на позициите што и ги заслужува, во врвот на македонскиот автомобилски пазар. А за понатаму секако дека планираме развој и на други брендови, како и инвестирање и во други бизниси, бидејќи „Гранд Аутомотиве“ (GRAND Automotive) е дел од корпорацијата „Тавура“ (Таvura) која е разгранeта во прехрамбената индустрија, телекомуникациите, финансирањето, градежништвото и други стопански и финансиски области. Имаме големи очекувања и веруваме во потенцијалите на македонскиот пазар.

Какво е вашето лично искуство во Македонија?
- Ова е мојата прва посета во Македонија, инаку потекнувам од Израел. Тука сум веќе три недели. Гостопримливоста, топлината и соработливоста со која бев пречекан е навистина зачудувачка. Се сретнав со луѓе кои се пријателски расположени и веќе можам да кажам дека тука имам пријатели.
Во Македонија пристигнав сам, а сите направија да се чувствувам како да сум дома. И тука ја чувствувам страста на луѓето да се успее, истата топлина и гостопримство што ме потсетува и на Израел, како и волјата да се постигне повеќе. Двете држави се мали, и Израел е мала земја, во неа живеат околу 7 милиони жители. Чувствувам дека сме многу слични, имаме слични цели и се чувствувам навистина добро во врска со тоа.

Моторот е бензинец со три цилиндри, 998 кубни сантиметри, 68 КС и вртежен момент од 95 Нм. Вкомпониран со петстепен менувач од место до 100 км/ч забрзува за 14,2 секунди и постигнува максимална брзина од 160 км/ч, со просечна потрошувачка од 3,6 литри на 100 км и исклучително ниска емисија на јаглерод диоксид. Ќе биде достапен во изведби со три и со пет врати.

* Кога во 2005 година Порше Холдинг реши да инвестира во автомобилскиот бизнис во Македонија со тоа што стана застапник за возилата од програмата на Volkswagen и Audi, целта беше на долги патеки да се врати довербата на македонскиот граѓанин во германските возила. Сметате ли дека сега, после шест години, сте успеале во тоа? Бројките покажуваат дека сте број 1!
- Кога во 2005 година Порше Холдингот реши да инвестира во Македонија, беше во голема неизвесност за оправданоста на таа инвестиција, со оглед на тоа што Македонија сепак е мал пазар за гигант како Порше. Но сепак, во својата агенда Порше имаше план, преку искрен и професионален однос кон клиентите да ја стекне нивната доверба, да изгради долготрајна врска со нив и да остане долго време на пазарот. Оттогаш па се до денес, Порше Македонија, како дел од Порше Холдинг а преку тоа и од Volkswagen AG, забележа значителен напредок и развој на бизнисот во земјата. На клиентите им понудивме прекрасни автомобили со висок квалитет и совршен дизајн, одлични услуги секогаш приспособени на нивните потреби и барања, и со тоа настапивме како сигурен партнер од доверба. Нашите заложби да не трагаме по брз профит туку да градиме доживотни врски, придонесоа досега да имаме продадени над 13.000 автомобили, и бројот на клиенти кои се вклучуваат во нашето Порше-семејство постојано да се зголемува. Со напорна работа за постигнување потполно задоволство на клиентите, успеавме да се искачиме на врвот на автомобилскиот пазар во Македонија, но и да опстоиме долго таму, не престанувајќи да ги изненадуваме клиентите, не само со исполнување на нивните очекувања, туку и со надминување на истите.

* Кој е рецептот за водење успешен бизнис во Македонија?
- Клиентот – во центарот на нашето внимание, секаде и секогаш!
Микеланџело рекол: “Најголемата опасност не е да целиш високо и да промашиш, туку да целиш ниско и да погодиш”. Како вечни перфекционисти, ние никогаш не се задоволувавме со малку и секогаш си ги поставувавме нашите цели мошне високо. Посегнувавме повисоко отколку што мислевме дека ќе достигнеме, а потоа со посветеност и труд постигнувавме повеќе отколку што можевме да замислиме. Поместувајќи ги нашите цели и критериуми на повисоко ниво, ние сакаме постојано да се надградуваме и ги подобруваме нашите услуги, и тоа е рецептот за нашиот успех во овој бизнис.

* Како генерален директор на вака успешна компанија, како се справувате со сите предизвици во последно време, со кризата, падот на продажбата и со предвидувањата дека кризата уште не заминала?
- Последниве години ќе ги паметиме како години на криза, несигурност и турбуленции. Но, можам да кажам дека сум горд и задоволен што за овие 6 години со вработените успеавме да изградиме еден совршено извајан тим кој е способен да се приспособи на новите услови и на новиот ветер кој дува на пазарот. За нас кризата не беше бура која би го уништила нашиот труд и постигнувања на пазарот. Напротив, ние од кризата направивме своевиден ветер во грб, бидејќи од неа стекнавме необични искуства кои ни помогнаа да ги надминеме предизвиците на ова економски несигурно време.
Во оваа криза ние станавме посилни, со нови идеи и уште поблиски до клиентите, што ни овозможи стратешка предност пред конкуренцијата. Бројот на продадени автомобили е намален, но бројките покажуваат дека сепак сме го зголемиле пазарното учество пред конкуренцијата. На луѓето им е потребна мобилност, и ние сме особено горди што, кога одбираат автомобил, нашите брендови секогаш се нивен прв избор.

* Често велите дека полесно е да се стигне на врвот отколку да се остане таму. Втора година по ред, меѓу десетте најпродавани возила има неколку со знакот на Volkswagen, а Golf е кралот.
- Секако дека е потешко да се остане на врвот, бидејќи кога тој еднаш ќе се достигне, следниот чекор е веќе чекор надолу. Но, ние сме свесни дека секогаш може подобро, и постојано си поставуваме нови врвови за освојување. Нашите автомобили се меѓу најпродаваните поради нивниот неприкосновен квалитет и извонреден дизајн, но и поради врвната услуга која нашите клиенти ја добиваат во нашите продажно-сервисни центри. Golf е приказна за себе. Во светот се продадени над 30 милиони примероци на Golf. Во Македонија тој е синоним за Volkswagen, и долго време се наоѓа на врвот на листата на најпродавани возила. Но, ќе бидам нескромен и ќе речам дека, за возило со такви софистицирани перформанси, и не се очекува ништо подолу од самиот врв.

* Македонија отсекогаш била земја на Golf и Volkswagen. Порше Холдинг во Македонија затекна малку поинаква ситуација. Што се мораше да се направи, да се жртвува, за да се стигне до ова сега?
- Нашето шестгодишно работење во Македонија е исполнето со многу убави и несекојдневни мигови, и можам да ви раскажам неколку анегдоти кога клиенти доаѓаат кај нас за да купат Golf Passat или Golf Polo. Како што веќе реков, Golf во Македонија е вистински синоним за Volkswagen, симбол за висококвалитетните германски возила, бестселер меѓу автомобилите. Секако дека тој успех не дојде преку ноќ, туку беше резултат на многу жртвувани деноноќија во служба на компанијата, на многу пребродени искушенија, но и на многу пријатни моменти, социјални настани и дружења со клиентите. Секако, на почетокот на оваа приказна знаевме дека нема да биде лесно, но знаевме дека клиентите ќе го препознаат и ќе го ценат нашиот напор. Сега, кога гледаме дека нашите возила високо котираат на пазарот, сигурни сме дека целиот труд и пожртвуваност вродија со плод, на што ние многу се гордееме.

* Зад себе имате моќна „мајка“, Порше Холдинг од Австрија, како член на Volkswagen-групацијата. Колку сегашниот успех во Македонија е нивен, а колку на тимот што тука го води бизнисот?
- За Порше Македонија како директна странска инвестиција е вистинска чест да се биде дел од една светска компанија, и да се добие во наследство таков врвен бекграунд. Но самото тоа носи и огромна одговорност, бидејки ни малку не е лесно да се зачува квалитетот и идеологијата која луѓето ја врзуваат за тоа име. Ние покажавме дека можеме да се соочиме со тој предизвик, и да ја изградиме Порше Македонија како успешна компанија чии одлични резултати не се должат само на заслугите на Порше Холдингот на глобално ниво, туку и на напорната работа и заложби за постигнување потполно задоволство на клиентите, на локалниот тим во Македонија.

* Ако 2010 беше тешка, а оваа 2011 уште потешка, каква очекувате да биде 2012 година?
- Година на вистински бум во автомобилската индустрија беше 2008, кога бројките на продадени нови возила бележеа вистински рекорди. Но оттогаш наваму условите на пазарот ни малку не се во корист на автомобилската индустрија. Настапувањето на економската криза, кога купувањето на трајни добра не е приоритет на клиентите, а потоа и промената на моделот на акцизи и слободниот увоз на половни возила, беа вистински удар за продажбата на нови возила, поради што таа падна на едно незавидно ниво. За жал, изгледа дека и следнава година ќе продолжи надолниот тренд. Но, како што веќе напоменав, Порше Македонија со својот тим успеа кризата да ја искористи и да ја претвори во предизвик, да научи нови правила на игра, секогаш во корист на клиентите кои таа грижа за нив ја препознаваат и на неа ни возвраќаат со потполна доверба, за што јасно говорат бројките на продадени возила кои нè носат далеку пред конкурентите.

* Какви се плановите на Порше Македонија за 2012? Со што ново ќе ги изненадите купувачите годинава?
- Нашите активности повторно се фокусирани на постигнување потполно задоволство на клиентите. Ние ги следиме светските движења и секогаш одиме чекор понапред од конкуренцијата, секогаш нудејќи го најдоброто за нашите клиенти. Новите модели на нашите брендови стигнуваат во Македонија во исто време со нивните европски премиери. И во новата 2012 година го продолжуваме истиот тренд – секогаш изненадувајќи ги клиентите, нудејќи им повеќе отколку што очекувале. 2012 година ќе биде година на многу новитети и во областа на новите возила и во областа на финансиските продукти кои ќе им ги понудиме, секако на задоволство на нашите клиенти.

* Ги навикнавте купувачите на големи попусти, многу гратис-опрема, поволности. Секојдневно компаниите нудат нешто ново и поевтино. Има ли граница до која може да се оди надолу?
- Иако изгледа како одличен начин да се придобијат повеќе клиенти во ова кризно време, сепак ние во ниту еден момент не ни помисливме да ги обезвредниме нашите возила давајќи огромни попусти за истите и намалувајќи ја нивната цена на ниво кое би го деградирало нивниот имиџ и квалитет. На нашите клиенти сепак им нудиме квалитетни производи со одлична ценовна позиционираност и во соработка со Порше Лизинг – вистински услови на финансирање, со што успеавме да ги задржиме како клиенти и да настапиме како нивен стабилен партнер на полето на новите автомобили. Само така тие знаат дека купуваат квалитетни возила чија пазарна вредност нема да падне кратко време по купувањето. Ја лансиравме и кампањата „Фолксваген – златна валута“. Македонските потрошувачи знаат да ги препознаат вистинските вредности, за што зборуваат и остварените продажни резултати.

Целото интервју можете да го прочитате во последното издание на Современ Возач, што можете да го купите на сите киосци во Македонија