sv magazin - Just another WordPress site

Од Индија доаѓа најава за ново ултра евтино возило, што сигурно ќе му биде конкуренција на моделот Tata Nano. Индиската компанија Bajaj Auto пред почетокот на саемот во Њу Делхи и официјално го претстави своето нискобуџетно возило, Bajaj RE60.

Ова мало и лесно градско возило, кое тежи само 400 кг, е наречено RE60, според емисијата на ЦО2 што изнесува 60 грама на километар. Го покренува бензински мотор од 200 см3 и 20 КС. Моторот е сместен позади, а на купувачите ќе им се нудат и верзии на природен гас и ЛПГ.
Според најавите на фабриката RE60 ќе може да достигне максимална брзина од 70 км/ч, а со еден литар гориво може да се минат околу 35 км. Има место за четири патници (во 2+2 или 1+3 конфигурација). Должината на возилото е 2752 мм, ширината – 1312 мм, а висината – 1650 мм.
Цените ќе бидат дополнително соопштени, а наближува и сериското производство што според најавите би требало да биде за неколку месеци. Неофицијално, RE60 во Индија ќе чини од 1.700 до 2.800 евра.