... Од нејзиното лансирање на пазарот Март 2009, E-Class освои многу награди помеѓу кои се “Yellow Angel" и “German Design Award”. E-Class фамилијата во која спаѓаат Saloon, Estate, Coupé и Cabriolet исто така се добитници на награди. Така по гласањето на читателите на Auto Motor und Sport, наградата "Best Car of the Year" во категоријата висока-средна класа ја доби E-Class Saloon. Mercedes-Benz E-Class ги импресионира судиите и читателите со својот динамичен дизјан, иновативна технологија, комфор, економичност како и комбинацијата од безбедносни системи.

... Од страна на жирито на Autobest, Mitsubishi Motors за својот електричен модел i-MiEV доби награда „Еcobest 2009“. Признанието доделено од автомобилските новинари од 15 земји од Југо-источна Европа, што го следат автомобилизмот, доаѓа само неколку месеци пред стартот на продажбата на еколошкиот автомобил, на Стариот континент. Инаку тој веќе е достапен на јапонскиот пазар.

... Volkswagen ќе продолжи со својата стратегија на раст во Бразил во следните години. Компанијата ќе инвестира вкупно 2,3 милијарди евра во нови производи и производни капацитети во земјата помеѓу 2010 и 2014 година. Цел на фабриката е испорака, до 2014 година, од еден милион возила на годишно ниво.

... Според германското издание на Financial Times, Daimler и Renault преговаараат за заедничка соработка во производство на малите возила. Според овој весник Германците и Французите преговараат нивните лилипутанци, моделите Smart и Twingo, да се произведуваат на заедничка производна линија, во фабриката на Renault, во Ново Место, Словенија. Според информацијата со ова би се зголемила ефикасноста и би се намалиле трошоците на производството. Преговорите, веќе, се во поодмината фаза.